Gagnligt lív

Er hugsandi, at Føroyar kunnu vera upprunastøð fyri eirindaleysum, karráum handli við lívgøgnum?

Í krimisøguni Gagnligt lív hendir tað óhugsandi.

Hvalastøðin við Áir er vorðin umbygd til altjóða privathospitalið Vita Hospital, ið er støð fyri eirindaleysum og kyniskum handli við lívgøgnum, ið verða tikin úr 8-12 ára gomlum børnum. Børnini verða rænd í eysturasiatiskum menningarlondum og førd til Vita Hospital við Áir, har lívgøgnini verða tikin úr. Tey gøgnini, ið ikki verða transplanterað til útlendsku sjúklingarnar á privathospitalinum við Áir, verða seld múgvandi fólki um allan heimin.

Lokabragdið verður avdúkað, tá ið Magnus Arnstein narkosulækni, og danska kona hansara, Lisbet, ið er sjúkrarøktarfrøðingur, varnast, at løgnar hendingar fara fram á Vita Hospital, har tey bæði starvast.

Høvuðsevni í bókini er samvitskuleysa nýtslan av børnum úr menningarlondum, men eisini spurningurin um transplantatión av lívgøgnum sum etiskt-moralskt fyribigdi, gongur sum reyður tráður í hesi skakandi og spennandi skaldsøguni.