Høvdini hjá Hans Paula: Zakarias

Eins og Tróndur Patursson, so er Zakarias eisini væl umboðaður á Heystframsýningini, bæði við verkum og við andlitsmynd, ið Hans Pauli Olsen hevur gjørt. Men meðan andlitsmyndin av Tróndi vendir nakkan til verk Tróndar, og heldur hyggur beint yvir at Zakariasi, so vendir andlitsmyndin av Zakariasi soleiðis at hann fær eygleitt fólk ið fara at hyggja at hansara egnu myndum. Hetta ger hann við einum vælraktum skálkabrosi, samstundis sum hann heldur eyga við andlitsmyndina av dóttir Hans Paula.